(General News) ၸဝ်ႈၼႃႈတီႇထႆးလႄႈမၢၼ်ႈ ၶဵင်ႈၶႅင်ပၵ်းပိူင်သႂ်ႇၵၼ် ၵူၼ်းမိူင်းတႃႈၶီႈလဵၵ်း-မႄႈသၢႆသုၵ်ႉၸႂ်ၸွမ်း

ၸဝ်ႈၼႃႈတီႇထႆးလႄႈမၢၼ်ႈ ၶဵင်ႈၶႅင်ပၵ်းပိူင်သႂ်ႇၵၼ် ၵူၼ်းမိူင်းတႃႈၶီႈလဵၵ်း-မႄႈသၢႆသုၵ်ႉၸႂ်ၸွမ်းၽူႈတွႆႇႁွၵ်ႈ ၊ ၸၢႆးသႂ်ၸိုၼ်ႈမိူင်း30/07/2026တႄႇဢဝ်ၸဵမ်မိူဝ်ႈလိူၼ်ၵျူၼ်ႊ 2026 ၼၼ်ႉမႃးသေ ၵူၼ်းတႃႈၶီႈလဵၵ်း-မႄႈသၢႆ သုၵ်ႉၸႂ်ၸွမ်း ပၵ်းပိူင်ၸဝ်ႈၼႃႈတီႈၸိုင်ႈမိူင်းတင်းသွင်ၾင်ႇ ။ ၸဝ်ႈၼႃႈတီႈၾၢႆႇလႂ်ၵေႃႈဝႃႈ တေမၢပ်ႇမႂ်ပၼ်တၢမ်ႇ ၸိူဝ်းႁဵတ်းၽိတ်း။ ၾင်ႇထႆးၵေႃႈ ဢဝ်ၶေႃႈဢၢင်ႈဝႃႈ ၵႆႉမီးၵူၼ်းလၵ်ႉတေႃႉၵုၼ်ႇၽိတ်းပၵ်းပိူင်ၼႆသေ ၵူတ်ႇထတ်းၵူၼ်းၾင်ႇတႆးမႃးႁၢဝ်ႈႁႅင်း ။ ၾင်ႇတႆးဢၼ်သိုၵ်းမၢၼ်ႈၵုမ်းၼႆႉၵေႃႈ သမ်ႉဝႃႈ တေၵူတ်ႇသွၵ်ႈၵူၼ်းထႆးၸိူဝ်းမႃးႁဵတ်းၵၢၼ်ၽိတ်းပၵ်းပိူင်ၼႂ်းၾင်ႇတႃႈၶီႈလဵၵ်းၼႆသေ မိူၼ်တင်ႈၸႂ်ႁဵတ်းၶတ်းၵၼ်ဝႆႉ ၊ ႁဵတ်းႁႂ်ႈၵူၼ်းမိူင်းတင်းသွင်ၾင်ႇ လႆႈသုၵ်ႉၸႂ်ၸွမ်း ။ ၵူၼ်းမိူင်းတႄႉ မႆႈၸႂ်ၵူဝ်ႁဵတ်းႁႃၵိၼ်ယၢပ်ႇၵႂႃႇလိူဝ်ၵဝ်ႇထႅင်ႈ ။ လွင်ႈၼႆႉ ၸၢႆးသႂ်ၸိုၼ်ႈမိူင်း တေႁၢႆးငၢၼ်းၼႄပၼ်ၵႂႃႇၶႃႈဢေႃႈ။#ၽူႈတွႆႇႁွၵ်ႈ#ShanNews