(General News) ယိင်းဢွၼ်ႇသီႇပေႃႉဢႃယု 12 ပီ ၸပ်းတၢင်းပဵၼ်ပုမ်ၵႂ်ႈပုမ်ယႂ်ႇ လိူဝ်ၸႂ်ႁႅင်း

ယိင်းဢွၼ်ႇသီႇပေႃႉဢႃယု 12 ပီ ၸပ်းတၢင်းပဵၼ်ပုမ်ၵႂ်ႈပုမ်ယႂ်ႇ လိူဝ်ၸႂ်ႁႅင်း ၽူႈတွႆႇႁွၵ်ႈ ၊ ၸၢႆးသႂ်ၸိုၼ်ႈမိူင်း ၼႂ်းၶၢဝ်းတၢင်းမိူင်းတႆး သိုၵ်းသိူဝ်ၼမ် ဝၢၼ်ႈမိူင်းယုင်ႈၸွမ်းပၼ်ႁႃသိုၵ်းမၢၼ်ႈယိုတ်းမိူင်းၼႆႉ ၵူၼ်းမိူင်းလၢႆသႅၼ်းထၢၼ်ႈၵိၼ်းၸႂ်လွင်ႈယူႇလွင်ႈၵိၼ် ။ ဢၼ်ၵိၼ်းၸႂ်ႁႅင်း ပဵၼ် ၵူၼ်းၸိူဝ်းပၢႆးယူႇလီဢမ်ႇၶႅမ်ႉ ။ မိူၼ်ၼင်ႇ ယိင်းဢွၼ်ႇသီႇပေႃႉ ဢႃယု 12 ပီ ဢၼ်ၸပ်းတၢင်းပဵၼ်ပုမ်ယႂ်ႇ ဢၼ်ၵူၼ်းပိုၼ်ႉတီႈဝႃႈ ပၢင်ႈၵီႈၼႆၼၼ်ႉ ယၢမ်ႈၵႂႃႇယူတ်းယႃတူဝ်တီႈလႃႈသဵဝ်ႈသေတႃႉ ဝၢႆးသေမိူင်းသုၵ်ႉၸွမ်း ပၢင်ယၼ်ႇသိုၵ်း 1027 ယဝ်ႉ ၶၢတ်ႇၵၢၼ်ယူတ်းယႃၵႂႃႇ။ ယၢမ်းလဵဝ် တႃႇၽႃႇတတ်းယူတ်းယႃတူဝ်ၼၼ်ႉ ၼႃႈႁိူၼ်းဢမ်ႇပွင်ပဵၼ်လႆႈလႄႈ ၶႂ်ႈယွၼ်းတၢင်းၵမ်ႉၸွႆႈ ဝႃႈၼႆ။ လွင်ႈၼႆႉ ၸၢႆးသႂ်ၸိုၼ်ႈမိူင်း တေႁၢႆးငၢၼ်းၼႄပၼ်ၵႂႃႇၶႃႈဢေႃႈ။တႃႇတေၸွႆႈထႅမ်လႆႈ ၼွင်ႉၽူၺ်းလိုၼ်းၼႆႉ ၵပ်းသိုပ်ႇတွင်ႈထၢမ်ႁူဝ်ယွႆႈမၼ်းလႆႈတီႈ ၼၢင်းမူၺ် ၵေႃႉပဵၼ်ၼႃႉၼွင်ႉၽူၺ်းလိုၼ်း မၢႆၾူၼ်း 096 713 543 64 လႄႈ ၸၢႆးၵျေႃႇလူႇ ၵေႃႉပဵၼ်ပီႈဢၢႆႈ မၢႆၾူၼ်းထႆး 080 763 4744 လႆႈၵမ်းသိုဝ်ႈ။ယွၼ်းသူးႁႂ်ႈၼွင်ႉၽူၺ်းလိုၼ်း ၸဵဝ်းယူႇလီသေၵမ်း။#ၽူႈတွႆႇႁွၵ်ႈ#ShanNews