Gerardo Markuleta: Itzultzaile fina eta poeta ezin finagoa

Gasteizen bizi den poeta oñatiarrari, Gerardo Markuletari eskaini dio Josu Goikok Astelehen poetikoak podcasta. Agian izen ezaguna publiko zabalarentzat, baina izen estimatua letren munduan eta haren hainbat poema kantu bihurtu dituzte Jabier Muguruzak, Mikel Urdaungarinek eta beste hainbatek. "Itzultzaile fina eta poeta ezin finagoa" jotzen du Josuk Markuleta, eta begi zorrotzeko literatura kritikaria, egun horretan ez dabilen arren. Blas de Oteroren poemak edo eta Jean Echenozen eleberriak eta Julio Cortazarren  ipuinak itzuli ditu, eta bere sormenetik ekarriak ditu sei poema liburu. "Batak ez du bestea kentzen izeneko liburukoak  aukertau ditu Astelehen poetikoak  podcastean  irakurtzeko, "zein baino zein ederragoa" dio Goikok, "itsutu egin naute". "Iferneguan", "Behin bederen", "Heldu artean" hiruen izen buruak.