ԳԵՎՈՐԳ ԷԼՎԱՋՅԱՆ «Ինստագրամյան և իրական իրականություն»

Սա զրույց-վերլուծությունների շարք է՝ «Լիբրա» հոգեբանական կենտրոնի հիմնադիր Աննա Վելիցյանի և «Լիբրայի» մասնագետների միջև մարդկային հոգեբանությանը և հարաբերություններին առնչվող բազմազան թեմաների շուրջ։ Այս էպիզոդի հյուրն է հոգեբան Գևորգ Էկվաջյանը։ Նրա հետ քննարկել ենք՝ ինչպե՞ս է սոցիալական մեդիան, հատկապես՝ ինստագրամը, ձևավորում մեր պատկերացումները ինքներս մեզնից, մեր կյանքի մասին և ինչպե՞ս է այդ վիրտուալ իրականությունն ազդում մեր հոգեբանական վիճակի վրա։ Զրույցի ընթացքում անդրադարձել ենք նաև այն վտանգին, երբ մարդը սկսում է ինքն իրեն համեմատել ինստագրամում տեսած «կատարելության» հետ՝ մոռանալով, որ այնտեղ ամեն ինչ ֆիլտրավորված է։ Գևորգը պարզաբանում է, թե ինչու է այսօր շատերի համար դժվար տարանջատել իրականությունն ու թվային կերպարը՝ և ինչպիսի ներքին ճնշումների կարող է դա հանգեցնել։ Զրուցել ենք նաև հոգեբանական դիմադրության, սոցիալական համեմատության թակարդի և ինքնագնահատականի պահպանման առողջ մեթոդների մասին։