EPISODE · Mar 6, 2020 · 2 MIN
Goodet Bispeel
from De Döschkassen
Annerletzt seet ick an Disch un för mi leeg ’n ganzen Schwung Krom. Ick tell mol op: Een dörsichtigen Büddel, so 25 mol 35 Zentimeter groot, een Stück dörsichtiged, stieved Plastik, dat utseh, as de Flünken vun ’n Wüps un noch ’n längered Stück ut datsülbige Materiol, dat to’n Kring opdreiht weer. Denn ’n Stück Papp, jüst so opdreiht, noch ’n Pappstück, 35 mol 20 Zentimeter groot, twee dörsichtige Plastikklammern un veer blanke Klammern ut Metall. Nu noch twee Stück Poppier, so ganz dünned Seidenpoppier, tosom ’n halven Quadrotmeter groot. Denn weern dor noch twee dicke Pappstücken, as Visitenkoarten seh’n de ut, een mit’n dicke Kordel, dat annere mit ’n dünned Plastikband doran. Dat weer’t. Un nu dörft Ju mol roden, worüm de ganze Krom vör mi op’n Disch leeg. Na, hebbt Ju ’n Idee? Nä? Na denn pass op: Ick heff jüst mien niedet Hemd utpackt. Dat Hemd treck ick an, overs all den annern Krom, de op’n Disch leeg, heff ick wechsmeeten. Bi’t Wechsmieten heff ick mi würkli schomt vun wegen Natuurschutz un so. Overs wat schall ick moken – nokelt mach ick je ook ni to mien Termine loopen. Nu heff ick mi overs frogt, worüm dat Hemd so dull inwickelt weer. Büxen, Jacken un Kleeder för Fruunslüüd hangt in‘ Loden eenfach so op’n Bügel. Worüm dat ni ook mit Hemm’ geiht, dat verstoh ick ni. Dösig ne. Un denn mitmol heff ick an’t EU-Parlament dinken musst oder an‘ Bunnesdag. Dor löppt je ook veele Mannslüüd mit Hemm‘ rüm un vun de Dorsten jett wohrschienli jedeneen teihn oder mehr Hemm‘ in’t Schapp. Nu stellt sick mol den Barg Müll vör, de allent ehr Hemm‘ afsmeeten hebbt. Snacken doht se overs doröver, dat „Plastikbüddels“ un „Kunststoffbekers“ verboden warrn schüllt. Dor staunt de Fachmann un de Laie wunnert sick. Steekt de an Enn veellicht mit de Verpackungsindustrie ünner de Deek, de mit allns, wat se annerwegens ni mehr afsetten kann, nu Hemm‘ inwickelt? Na jo, veellicht is dat je eenfach blots so, dat man ni süht, wat an Müll achter een op de Streck‘ blifft, wenn man as „goodet Bispeel“ vörangeiht... In düssen Sinn
What this episode covers
Annerletzt seet ick an Disch un för mi leeg ’n ganzen Schwung Krom. Ick tell mol op: Een dörsichtigen Büddel, so 25 mol 35 Zentimeter groot, een Stück dörsichtiged, stieved Plastik, dat utseh, as de Flünken vun ’n Wüps un noch ’n längered Stück ut datsülbige Materiol, dat to’n Kring opdreiht weer. Denn ’n Stück Papp, jüst so opdreiht, noch ’n Pappstück, 35 mol 20 Zentimeter groot, twee dörsichtige Plastikklammern un veer blanke Klammern ut Metall. Nu noch twee Stück Poppier, so ganz dünned Seidenpoppier, tosom ’n halven Quadrotmeter groot. Denn weern dor noch twee dicke Pappstücken, as Visitenkoarten seh’n de ut, een mit’n dicke Kordel, dat annere mit ’n dünned Plastikband doran. Dat weer’t. Un nu dörft Ju mol roden, worüm de ganze Krom vör mi op’n Disch leeg. Na, hebbt Ju ’n Idee? Nä? Na denn pass op: Ick heff jüst mien niedet Hemd utpackt. Dat Hemd treck ick an, overs all den annern Krom, de op’n Disch leeg, heff ick wechsmeeten. Bi’t Wechsmieten heff ick mi würkli schomt vun wegen Natuurschutz un so. Overs wat schall ick moken – nokelt mach ick je ook ni to mien Termine loopen. Nu heff ick mi overs frogt, worüm dat Hemd so dull inwickelt weer. Büxen, Jacken un Kleeder för Fruunslüüd hangt in‘ Loden eenfach so op’n Bügel. Worüm dat ni ook mit Hemm’ geiht, dat verstoh ick ni. Dösig ne. Un denn mitmol heff ick an’t EU-Parlament dinken musst oder an‘ Bunnesdag. Dor löppt je ook veele Mannslüüd mit Hemm‘ rüm un vun de Dorsten jett wohrschienli jedeneen teihn oder mehr Hemm‘ in’t Schapp. Nu stellt sick mol den Barg Müll vör, de allent ehr Hemm‘ afsmeeten hebbt. Snacken doht se overs doröver, dat „Plastikbüddels“ un „Kunststoffbekers“ verboden warrn schüllt. Dor staunt de Fachmann un de Laie wunnert sick. Steekt de an Enn veellicht mit de Verpackungsindustrie ünner de Deek, de mit allns, wat se annerwegens ni mehr afsetten kann, nu Hemm‘ inwickelt? Na jo, veellicht is dat je eenfach blots so, dat man ni süht, wat an Müll achter een op de Streck‘ blifft, wenn man as „goodet Bispeel“ vörangeiht... In düssen Sinn
NOW PLAYING
Goodet Bispeel
No transcript for this episode yet
Similar Episodes
Sep 17, 2025 ·24m
Jun 12, 2025 ·20m
May 19, 2025 ·25m
Jan 10, 2025 ·28m
Jan 10, 2025 ·23m