गुरुस्तोत्रम् | संदर्भ विश्वसारतन्त्रः@ramkuti #ramkuti #ai

गुरुस्तोत्रम् गुरुर्ब्रह्मा गुरुर्विष्णुः गुरुर्देवो महेश्वरः । गुरुरेव परं ब्रह्म तस्मै श्रीगुरवे नमः ।। अज्ञान तिमिरान्धस्य ज्ञानाञ्जन शलाकया । चक्षुरुन्मीलितं येन तस्मै श्रीगुरवे नमः ।। अखण्डमण्डलाकारं व्याप्तं येन चराचरम् । तत्पदं दर्शितं येन तस्मै श्रीगुरवे नमः ।। अनेक जन्म संप्राप्त कर्मबन्धविदाहिने । आत्मज्ञानप्रदानेन तस्मै श्रीगुरवे नमः ।। #guru #ai मन्नाथः श्रीजगन्नाथो मद्‌गुरुः श्रीजगद्‌गुरुः । ममात्मा सर्वभूतात्मा तस्मै श्रीगुरवे नमः ।। ब्रह्मानन्दं परमसुखदं केवलं ज्ञानमूर्तिम् । द्वन्द्वातीतं गगनसदृशं तत्वमस्यादिलक्ष्यम् ।। एकं नित्यं विमलमचलं सर्वधीसाक्षिभूतम् । भावातीतं त्रिगुणरहितं सद्‌गुरुं तं नमामि ।। - विश्वसारतन्त्रः