Handy Tibert: Yon Ayisyen ki pral fè istwa nan Mondyal 2026

Nan epizòd sa a Carel Pedre resevwa Handy Tibert, yon pwofesyonèl ayisyen nan domèn odyovizèl k ap fè nasyon an fyè. Handy pataje istwa li depi nan premye pa li kòm aktè nan fim "Barikad" ak travay sou plato fim "I Love You Anne", rive nan gwo nivo kote li responsab teknik pou retransmisyon match nan mondyal 2026 la nan vil Kansas City.Dekouvri kijan detèminasyon, fòmasyon, ak kapasite pou rezoud pwoblèm nan kondisyon difisil an Ayiti te prepare l pou l jere plis pase 50 kamera ak yon ekip teknik entènasyonal nan pi gwo evènman espòtif sou planèt la. Yon konvèsasyon enspiran pou tout jèn ki nan domèn kreyasyon kontni ak teknoloji!