Harshen Urhobo - "Kalmomin Rai & Waƙoƙin Bishara(Hausa)".3gp

Urhobo - "Words of Life & Gospel Songs(Enlish)".3gp // 1 KỌRẸNT 13. - Eguọnọ1O da dianẹ me vwẹ ẹrẹnvwe rẹ ohwo rẹ akpọ kugbe ọ rẹ emakashe ta ota, ẹkẹvuọvo yi mi vwo ẹguọnọ-ọ, yo mẹvwẹ kẹ agogo vẹ ekpagha ri muẹ do. 2Mi de vwo ogangan rẹ aroẹmrẹ, mi de vwo ẹruọ rẹ igbunu ejobi kugbe erianriẹn ejobi, ọ da dianẹ mi vwo esegbuyota, ro se ghwie ugbenu, ẹkẹvuọvo yi mi vwo ẹguọnọ-ọ, yo mẹvwẹ ohwo diodi. 3Ọ da dianẹ me vwẹ obo ri mi vwori ejobi ru ẹse, o da dianẹ mi phi oma mẹ phihọ erhanre nẹ ọ ton, ẹkẹvuọvo yi mi vwo ẹguọnọ-ọ, yo fi erere kẹ vwẹ-ẹ. 4Ẹguọnọ vwo odiri kugbe aruẹdọ; ẹguọnọ rioma-a eyẹ ọ yan eya-an; 5o phuoma-a eyẹ o vwo udu-u. Ẹguọnọ ghwe churu obọ muẹ ọrọye ọvo-o; ophu fobọ muoo eyẹ emu fobọ da-a; 6ọ ghọghọ gbe obo re chọre-e, ẹkẹvuọvo ọ ghọghọ gbe obo ri yovwiri. 7Eguọnọ chiri emu ejobi, ọ se emu ejobi gbuyota, o phiẹrohọ emu ejobi, o chirẹ emu ejobi. 8Ẹguọnọ vwo oba-a; vwọ kẹ aroẹmrẹ, ọ cha wanvrẹn; vwọ kẹ ephẹrẹ, i che fue; vwọ kẹ erianriẹn, e cha wanvrẹn. 9Kidie erianriẹn rẹ avwanre gbare-e aroẹmrẹ rẹ avwanre je gba-a; 10ẹkẹvuọvo ọke rẹ ọ rọ gbare da rhe, ọ ro jẹ gba na ko bioma. 11Ọke me vwọ hẹ omotete, me da ta ota kerẹ omotete, mi de roro kerẹ omotete, me da nọ enanọ kerẹ omotete; ọke mi rhi vwo te omiragua re, mi de siobọ nẹ ekuakua rẹ emọ. 12Kidie asakiephana avwanre mrẹ orẹ phorophoro kerẹ ughegbe, ẹkẹvuọvo ọke yena ohwohwo kọ mrẹ ohwohwo. Asakiephana ubro me riẹnre, ọke yena ki mi che vwo ẹruọ gbagba, kirobo rẹ obo re me ta je ro ihwo na. 13Ọtiọye na esegbuyota, iphiẹrohọ, ẹguọnọ gba dia, enana erha na; ẹkẹvuọvo ọ rọ marho vwẹ enana kẹ ẹguọnọ.