Hið aumasta þing sem nokkru sinni hefur hér verið

Reykvíkingar dagsins í dag ljá Reykvíkingum frá árinu 1918 rödd sína og lesa valda texta frá því ári. Örn Sigurðsson er alinn upp í Smáíbúðahverfinu. Hann lærði skósmíði en starfaði lengstum við stoðtækjasmíðar. Hann er áhugaleikari og starfar með Halaleikhópnum. Í þessum þætti les hann úr bréfi Ólafs Runólfssonar bókhaldara og verslunarmanns til Magnúsar Bjarnasonar prófasts og prests á Prestsbakka. R1918 er samstarfsverkefni Listahátíðar í Reykjavík, Landsbókasafnsins og RÚV. Textavinna: Landsbókasafn Íslands-Háskólabókasafn og Bjarni Jónsson. Tónlist: Úlfur Eldjárn. Samsetning: Þorgerður E. Sigurðardóttir.