HISTORIA DE GALICIA 08. A Alta Idade Media galega. Foros e frades.

Novo capítulo do programa "Polos camiños da historia", emitido no ano 2018 na Radio Galega, sobre a historia propia da Galiza, relatado polo historiador Anselmo López Carreira nun formato de entrevista radiofónica que debulla o capítulo en cuestión conforme ás preguntas do xornalista Xosé Manuel Vega. Neste capítulo, o historiador explica cómo na Galiza da Alta Idade Media se comeza a erguer unha enfraquecida monarquía medieval cristián (O denominado "Christianorum Regnum"), con capital política primeiro en Oviedo e despois en León. Tamén explica cómo se organiza a sociedade galega neste período, coa expansión de frades e mosteiros como propietarios da terra, namentres se estabelecen os contratos de foros entre a poboación campiña.