HISTORIA DE GALICIA 16. Os Irmandiños.

Novo capítulo do programa "Polos camiños da historia", emitido no ano 2018 na Radio Galega, sobre a historia propia da Galiza, relatado polo historiador Anselmo López Carreira nun formato de entrevista radiofónica que debulla o capítulo en cuestión conforme ás preguntas do xornalista Xosé Manuel Vega. Neste capítulo fálase do movemento IRMANDIÑO, da súa lexitimación, e da sublevación face os abusos dos novos señores feudais (chamados "malfeitores" na documentación da época). En 1467 prodúcese a GRANDE REVOLTA IRMANDIÑA, unha verdadeira revolución que abranguiu a totalidade do reino galego, e que posibilitou a ocupación e derrubamento da maioría das fortalezas galegas. Durante dous anos, os Irmandiños gobernaron o Reino da Galiza en nome do Rei, sen señores feudais (nin nobres nin alto clero) aos que lle rendir contas, o que constitúe un caso inédito na Europa feudal do momento.