HISTORIA DE GALICIA 28. As Irmandades da Fala e o Grupo Nós.

Novo capítulo do programa "Polos camiños da historia", emitido no ano 2018 na Radio Galega, sobre a historia propia da Galiza, relatado polo historiador Anselmo López Carreira nun formato de entrevista radiofónica que debulla o capítulo en cuestión conforme ás preguntas do xornalista Xosé Manuel Vega. En 1920 fúndase na cidade de Ourense o GRUPO NÓS, e en 1923, en Ortoño (Ames, A Coruña) o SEMINARIO DE ESTUDOS GALEGOS. Estas institucións congregaron á flor e nata da máis capacitada intelectualidade da mocidade galega do momento. A súa finalidade foi estudar de forma científica, divulgar e reivindicar o patrimonio cultural galego.