Hoekom is die opbrengskromme op staatskuld so steil?

In ʼn week wat daar baie geskryf word oor rentekoerse is een van die redes waarom die repokoers nog ʼn keer verhoog moet word die rentekoersverskil tussen Amerikaanse en Suid-Afrikaanse staatskuld. Ons moet ʼn premie aanbied om beleggers na ons kapitaalmark te lok en wanneer die Amerikaners hulle rentekoers verhoog word die premie kleiner. As die Reserwebank hulle verhogings navolg ondersteun dit die mark vir ons staatskuld en die rand. Daardie premie is egter baie groot en nuwe navorsing vra hoeveel daarvan te doen het met kredietrisiko, met onsekerheid oor inflasievooruitsigte, of met die risiko dat die rand kan depresieer. * Die Ekonomie Minuut word ondersteun deur die NWU Sakeskool. ** Kry die artikel waarop hierdie episode geskoei is by ideas.repec.