Homenaxe a D.Xesús Couceiro en O Sombreiro de Merlin.

Este sábado, o Sombreiro viste as súas mellores galas para facer un monográfico en homenaxe a D. Xesús Couceiro, quen, a través da súa emblemática Libraría Couceiro -sita hoxe en día na Praza de Cervantes- introduxo na nosa cidade a literatura en lingua galega; asimesmo festexamos a presentación dun novo Club de Lectura que comezará na devandita Libraría, a partires do venres 13 de novembro, e que dirixirá a directora de O Sombreiro de Merlin, Alicia López. Acompañarannos no estudio, ao tempo que as nosas colaboradoras, Manuela Arcos e Susana Vázquez, Xosé Ramón Fandiño, senlleiro representante da cultura galega, quen quixo sumarse a esta merecida homenaxe, ao tempo que Alfonso Ribas, que aínda sen poder facerse presente, enviounos unhas fermosas verbas de recoñecemnto a laboura do noso homenaxeado. Memoria e futuro do libro en galego, grazas, D.Xesús Couceiro, hoxe, en Radio Obradoiro.