Hulpbronsektor dryf ekstraswaar-voertuigverkope

Namibië se hulpbronsektor vuur die vraag na swaarvoertuie aan, met ekstraswaar voertuigverkope wat 55 eenhede in Mei bereik het, heelwat hoër as die 39 eenhede wat 'n jaar gelede aangeteken is. Medium kommersiële voertuie het gematig tot 21 eenhede en swaar kommersiële voertuie tot 19 eenhede. Almandro Jansen, ekonoom by Simonis Storm, het aan Kosmos 94.1 Nuus gesê die syfers dui op vlootuitbreiding ter voorbereiding vir mynbou, asook olie-, gas- en groenwaterstofproduksie-aktiwiteite.