حياة فارس مهزوم - كلام مجانين

من قبل ما أفكر كنت بأقول وقالولي الناس هـ تموت مقتول أنا قولت سكوتي ماكنش حياة فتِّشت بصوتي فـ كل مكان لا لقيت الفرحة ولا الأحزان ولا حد أتوه فـ الضلمة معاه ملِّيت م الزحمة جريت ع البيت كسَّرت الباب قدامي لاقيت الكنكة بتبكي قالتلي ياريت تدِّيني البُن أضحك ويَّاه دا كلام مجانين مش أغنية إياك تسألني دا إيه معناه دا مافيش مضامين هنا مخفيَّة ولا مغزى مفيد ممكن تلقاه على وش القهوة حاولت أعوم لا أنا عارف أنام ولا عارف أقوم فنجاني نداني بصوت مكتوم وأتاري سيجارتي كمان سامعاه دا كلام مجانين مش أغنية والنبي ماتقولش دا إيه معناه دا مافيش مضامين هنا مخفيَّة ولا مغزى مفيد ممكن تلقاه يا سيجارة حاضنها بأنفاسي م العالم كلُّه بتاخديني آه يا نجمة وحيدة فـ ليل قاسي نيكوتينِك نوَّر شراييني أوِّل ما صارحتك بجروحي دخانِك طبطب على روحي ولمحت الخوف مهزوم جوَّاه ......................... كلمات وألحان: أنطونيوس نبيل توزيع: أحمد العسَّال