Informativo, 28/11/2024

SUMARIO 27/NOV./2024 "É tanto pedir?" O AMPA da escola Galiña Azul de Esteiro Ferrol piden a Consellaría de Política Social da Xunta de Galicia melloras para o cadro de persoal e servizos educativos na etapa preescolar. Pleno no Concello de Ferrol. Este xoves 28 de novembro terá lugar un Pleno, que entreoutros asuntos tratará a proposta inicial para os orzamentos municipais para o ano 2025. Un dos documentos máis importantes que elabora o concello, que reflictirá gastos, ingresos e investimentos... Nolo explica Inacio. Aliana Corral do Colectivo BBTT, fala do 17N, Día Mundial do BB prematuro Partera Guerrillera, sanitaria, co gallo do 25N, "Día internacional para a erradicación das violencias contras das mulleres", fálanos dunha delas, a Violencia Obstétrica. Nerea Calvo Beceiro, co gallo do 25N, fala da histórica Fábrica de Conservas El Cisne de San Sadurniño, resultado das ZUR, Zonas de Urxente Reindustralización a mediados dos anos 80 como consecuencia da crise do sector nava. NOTICIAS DIALOGADAS, Inacio e Lupe segue... "A voltas co tren" Edu, "Comochoconto" desde Radio Raposeira fálanos fala da Cume do Clima e da Conferencia das Partes, mais coñecidas polas súas siglas en inglés, COP, que vén de levarse ao cabo en Bakú, capital de Azerbaixán O filme Prefiro Condenarme, parte dun xuízo por adulterio contra unha mariscadora da ría de Ferrol durante a ditadura, en 1972. A violencia, o abuso, a falta de dereitos das mulleres xunto a un ambiente social opresivo, forman parte desa historia real. A cantante i experimentadora galega Mónica de Nut fálanos do proceso colaborativo e compositivo nunha das pezas da BSO desta cita. AXENDA.Concerto de Zavala, sábado 30 de novembro, ás 10 pm no centro social Artábria, na rúa Batallóns, Esteiro. Presentarán o seu traballo "Pequeño Manual para Grandes Cambios", publicado por Ferror Rcds. Entrada de balde. AXENDA primeras xornadas VIHsibles Ferrolterra, en xornada de mañá, o sábado 30 de novembro e domingo 1 de decembro no Ateneo e CC de Canido, respectivamente. Organiza AVANTE LGTB+ Ferrolterra. AXENDA. Galiza con Palestina. Dentre as moitas concentracións subliñamos a as que terán lugar no noso ámbito: Ferrol e Pontedeume o luns 2 de decembro ás 8 pm nas prazas dos Concellos.