Inperkings in Sjina het gevolge vir die hele wêreld

Sjina het ʼn vreemde reaksie op die Coronavirus pandemie. Hulle gebruik streng inperkings in stede en die doel is om geen positiewe Covid gevalle op ʼn gemeenskapsvlak binne ʼn distrik te hê nie. Aan die ander kant is inenting nie verpligtend nie en die inentingskoers is laag. Die gevolg van hierdie inperkings is natuurlik dat ekonomiese aktiwiteite van stad tot stad kan stil staan. China is die wêreld se tweede grootste ekonomie, die grootste uitvoerder en die tweede grootste invoerder. Wanneer die wêreld se fabriek sluit het dit ʼn dubbele impak. * Die Ekonomie Minuut word ondersteun deur die NWU Sakeskool.