Interview with Karenni Ranger "Kyaw Zay Ya"

တကယ်လိုအပ်နေတဲ့နေရာမှာ တကယ်လိုအပ်နေသူတွေကို ကူညီနိုင်တဲ့အခွင့်အရေးက နည်းနည်းနောနော အခွင့်အရေးမဟုတ်ဘူး။ သူတို့ဝမ်းသာစကားဆိုသံမှာ ငိုသံတွေပါ၊ ပါနေတာ ခံစားရပြီး လူသားဆန်မှုအရသာ၊ လူသားတွေကိုကူညီပေးနိုင်မှု တကယ့် အဓိပ္ပာယ်ကို ခံစားလိုက်မိရာက တော်လှန်ရေးထဲ ခြေစုံပစ်ဝင်လာသူ။ ဒါ့အပြင် ကရင်နီ (ကယား) ဒေသတကြောက ရှေ့တန်းစစ်မျက်နှာပြင်တွေထိပါ သွားရောက်ပြီး စစ်မြေပြင်ကယ်ဆယ်ကုသရေးလုပ်ပေးနေသူက စစ်ကိုင်းမှာမွေးဖွားခဲ့သူ ကိုအောင်ဇေယျပါ။ သူကိုယ်တိုင် ရှေ့တန်းစစ်မျက်နှာပြင်မှာ ဆွဲကူခဲ့သူ လူနာပေါင်း ၆၀ ကနေ ၁၀၀ ကြား ရှိပါတယ်။ ဒီလူနာတွေရဲ့ အော်ညည်းသံတွေကြားရရင် လူ့ငရဲကို ခေတ္တခဏရောက်သွားရသလို ဘာမှဆက်မလုပ်ချင်လောက်အောင်ခံစားရတာတွေ ထရော်မာတွေ (စိတ်ဒဏ်ရာတွေ) ရှိခဲ့ပေမယ့် တော်လှန်ရေးအတွက် ပြန်လည်ရုန်းထခဲ့သူ လူငယ်တဦးပါ။ သူဟာ Freelance Volunteers Myanmar အဖွဲ့အစည်းအနေနဲ့လည်း စစ်ရှောင်ကူညီကယ်ဆယ်ရေးနဲ့ တော်လှန်ရေးအတွက်လိုအပ်တဲ့ ရန်ပုံငွေ ရှာဖွေရေးတွေလည်း ဆောင်ရွက်နေသူပါ။ ကရင်နီ (ကယား) စစ်မျက်နှာပြင်မှာ ကယ်ဆယ်ရေးလုပ်ငန်းများကို Free Burma Ranger နှင့်အတူ စစ်တပ်ရဲ့ လက်နက်ကြီးနဲ့လေယာဉ်တိုက်ခိုက်ခံရမှုတွေကြား စွမ်းစွမ်းတမံလုပ်ဆောင်နေတဲ့ ကရင်နီရိန်းဂျား ကိုအောင်ဇေယျနဲ့ ရုန်းကန်မှုနဲ့ တို့မျိုးဆက် Podcast က မေးမြန်းခွင့်ရခဲ့ပြီး အခုလိုပဲ တင်ဆက်ပေးလိုက်ပါတယ်။