Itai lobuok – natiklis

Rubrikā „Itai lobuok” profesore Lideja Leikuma turpynoj stuosteit par tū, kaidus latgaliskūs vuordus, jūs salykumus ci formys lobuok lītuot. Itūreiz par tū, kai latgaliski lobuok pasaceit „slynks”. Itai lobuok – natiklis.   Mums ir lobs baltu ciļmis vuords – natiklis i natikle. Ak, tu mozuo natikleite, i, ak, tu natikleits, otkon tu babys naklauseji. Tiklis byutu „čaklītis”. Tykums, natykums. Natykums – nalobs īrodums, bet tys ir tys pats tiklis, natiklis, tys ir tuos pošys saknis vuords. Naturi natykumu ar pierstu dagunā buozt, par pīmāru, nu naturi taida natykuma.