Jerome Powell het gepraat, en wat dit vir die repokoers beteken

Wat in die VSA gebeur het ‘n invloed op wisselkoerse en finansiële markte reg oor die wêreld. Ons weet dat die Amerikaners se inflasiekoers hoog is en om dit te beveg het die Federale Reserwebank eers hulle beleid van kwantitatiewe verruiming beëindig en toe begin om rentekoerse te verhoog. Die hoop is vir ʼn sagtelanding, wat beteken dat hulle inflasie onderbeheer bring sonder om ekonomiese aktiwiteit of werkskepping te veel te demp. Met die vorige 75 basispunte rentekoers verhoging het die markte begin dink dat inflasie daar binnekort gaan daal en dat die Fed rentekoerse in kleiner inkremente gaan verhoog deur die res van hierdie jaar. Almal se ore was dus gespits met Jerome Powell se toespraak by die groot saamtrek van sentrale bankers by Jackson Hole die afgelope Vrydag. * Die Ekonomie Minuut word ondersteun deur die NWU Sakeskool.