靖江方言小说《江上云愁》第一节节选 作者：秦进 朗读：千纸鹤

廿里个太阳蛮毒辣 夜落个星星眨嘎眨 野场个鸡子来地落乱发 圈堂个猪子一吃嘴一砸 奶奶拿火钳对锅洞里夹 老老个肚子朝背上一瞎 还有一把米，就剩坛子脚 撸起来，笃点粥，用腌菜搭搭 你说蕃芋芋头不好吃 我说嫑焉死搭刮 来象哦！梗吃噶？ 你家吃底高，果是粯子粥 我家烧菜饭，摊个锅塌 他家忙馄饨，来哦请老敬菩萨 孤山上个云没得脚 麦田里菜田里乱学 长江里个水毛性火发 今朝去邀鸡，明朝去轩鸭 隔壁个大人有点仄掐 邻舍个堂客有点促卡 我偷嘞跟你说 嫑跟她搭煞 西头个老小漆黑抹塌 盳起人来一眼不眨 东面个丫头嘴蛮花妙 盳见人就叫八八 我知会你，嫑蹲我身上乱掐 你一掐，我夜落睏不着 百十斤个胆子对肩兜上一压 路上不好走，脚笃打滑塌 我劝你做人要入调，做事嫑野豁 寒夜里，记得带根火柴 天上个星星一点就着 ……