جێژنی بێڵندانە لە کوێ ڕا هاتوە و بە بۆنەی چیەوە داندراوە؟ جێژنێکی کۆنی کوردەواری!

گەلان بە فەرهەنگ و کەلتوور، داب و نەریت و جەژن و بۆنەکانیانەوە زیندوون.ئێمەی کوردیش جگە لە جەژنی نەورۆز و بۆنە ئایینییەکان، کۆمەڵێک جەژن و بۆنەمان هەن کە ڕیشەیان لە ڕابردووی زۆر کۆندایە.چۆنییەتی گوزەران و ژیانی ئەوکات، پیشەی ئاژەڵداری، گۆڕانی وەرزەکان، سروشت و هەڵکەوتەی جوغڕافیایی و ... بوونە هۆکار تاکوو لەگەڵ ئەو ئاڵوگۆڕانە جەژن بگرین و شایی بگێڕین.جەژنی بێڵندانە یەک لەو جەژنانەیە کە لە کۆندا لە کوردستان کراوە و لە ئێستاشدا لە گەلێک لە گوندەکان بە تایبەت لە ناوچەی سەردەشت و بەشێک لە مەهاباد دەکرێت.گومان لەوە دا نییە ئەو جەژنە لە ناوچەی سەردەشت دەست پێکراوە.هەرچەند ئەو جەژنە لەهەموو گوندەکان بەیەک شێوە بەڕێوەناچێت، بەڵام هەموویان بەیەک مەبەست کراون. Hosted on Acast. See acast.com/privacy for more information.