Քրիստինե Հովսեփյանի օրինակը

Քրիստինե Հովսեփյանը դհոլ սկսել է նվագել 8 տարեկանից։ Պատմում է, որ սկզբում ծնողներն այդքան էլ լուրջ չեն վերաբերվել դհոլ ունենալու իր ցանկությանը և որոշել խաղալիք դհոլ նվիրել, բայց հետո հասկացել են՝ պետք է ընդառաջ գնալ նրա երազնաքին։ Այսօր, արդեն 21–ամյա Քրիստինե Հովսեփյանը պատմում է, որ դհոլ նվագելու հմտություններն յուրացնելն ավելի դյուրին էր, մատներին առաջացած կոշտուկներն անտեսելն ավելի հեշտ, քան կողքից տրվող հարցերին պատասխանելը, հնչող կարծիքները լսելը։ Բայց դհոլի նկատմամբ սերն օգնել է հաղաթարել բոլոր դժվարությունները։ Քրիստինե 5 տարի հաճախել է «Վահագն» դհոլահարների անսամբլ, հետո ընդունվել «Երևանյան թմբուկներ» խումբ, որտեղ մի քանի տարի սովորել է, մասնակցել տարբեր միջոցառումների ու փառատոների։ Այժմ Շառլ Ազանվուրի անվան մշակույթի պետական քոլեջի 3–րդ կուրսում է սովորում, գործիքային կատարողական արվեստ, հարվածային գործիքներ բաժնում։ 5 տարի «Երևանյան թմբուկներ»–ում սովորելուց հետո դասավանդնում է այնտեղ։ Արդեն մեկ տարի է, ինչ Աբովյան քաղաքում բացել է հարվածային գործիքների կենտորն, որն ունի 20–ից ավելի սաներ՝ 6–ից 38 տարեկան։ 5 ամիս առաջ էլ ընկերների հետ ստեղծել է նաև Ֆլային սոլ խումբը։