Kabinetskuiwe: Cyril speel takties briljant

Sommige gefrustreerde Suid-Afrikaners beskuldig president Cyril  Ramaphosa van lamsakkigheid na gisteraand se kabinetskuiwe. Volgens  hulle is Ramaphosa se aanstellings 'n bewys daarvan dat hy die ANC bo  die land se belange dra. Talle mense het verwag dat iemand soos Bheki  Cele en Nkosazana Dlamini-Zuma onder meer die trekpas sou kry vir hul  hantering van die inperkingsmaatreëls wat sedert Maart verlede jaar  ingestel is weens die Covid19-pandemie. Die president het in pleks  daarvan twee nuwe aanstellings gemaak na die bedanking van Tito Mboweni  en die afsterwe van Jackson Mthembu, asook 'n paar strategiese  veranderinge. Maar Kotzé sê gisteraand se skuiwe is net nog 'n bewys dat  Ramaphosa 'n baie slim taktiese spel speel om sy houvas as president te  verstewig.