ਖ਼ਬਰਨਾਮਾ : ਟੈਲਸਟਰਾ ਦੀ ਸੀਈਓ ਨੇ ਸੇਵਾਵਾਂ ਪ੍ਰਭਾਵਿਤ ਹੋਣ ਲਈ ਮੰਗੀ ਮਾਫੀ, ਲਿਬਰਲ ਨੇ ਵਨ ਨੇਸ਼ਨ ਨਾਲ ਗਠਜੋੜ ਤੋਂ ਫਿਰ ਕੀਤੀ ਨਾਂਹ

ਟੈਲੀਕੌਮ ਕੰਪਨੀ ਟੈਲਸਟਰਾ ਦੀ ਸਰਵਿਸ ਵਿੱਚ ਬੁੱਧਵਾਰ ਨੂੰ ਆਈ ਰੁਕਾਵਟ ਲਈ ਕੰਪਨੀ ਦੀ ਸੀਈਓ ਵਿੱਕੀ ਬਰੈਡੀ ਨੇ ਵਿਦੇਸ਼ ਤੋਂ ਪਰਤਣ ਮਗਰੋਂ ਇੱਕ ਪ੍ਰੈਸ ਕਾਨਫਰੰਸ ਦੌਰਾਨ ਗਾਹਕਾਂ ਤੋਂ ਮਾਫੀ ਮੰਗੀ ਹੈ। ਓਧਰ ਵਨ ਨੇਸ਼ਨ ਪਾਰਟੀ ਦੀ ਨੇਤਾ ਪੌਲੀਨ ਹੈਨਸਨ ਨੇ ਵਿਰੋਧੀ ਧਿਰ ਦੇ ਆਗੂ ਐਂਗਸ ਟੇਲਰ ਦੀਆਂ ਟਿੱਪਣੀਆਂ ਦਾ ਜਵਾਬ ਦਿੰਦਿਆਂ ਕਿਹਾ ਹੈ ਕਿ ਐਲਬਨੀਜ਼ੀ ਸਰਕਾਰ ਨੁੰ ਹਰਾਉਣ ਲਈ ਉਨ੍ਹਾਂ ਨੂੰ ਮਿਲ ਕੇ ਕੰਮ ਕਰਨਾ ਚਾਹੀਦਾ ਹੈ, ਜਦਕਿ ਲਿਬਰਲ ਨੇਤਾ ਐਂਗਸ ਟੇਲਰ ਨੇ ਵਨ ਨੇਸ਼ਨ ਪਾਰਟੀ ਨਾਲ ਕਿਸੇ ਵੀ ਗਠਜੋੜ ਤੋਂ ਇੱਕ ਵਾਰ ਫਿਰ ਇਨਕਾਰ ਕਰ ਦਿੱਤਾ ਹੈ। ਹੋਰ ਜਾਣਕਾਰੀ ਲਈ ਸੁਣੋ ਇਹ ਖ਼ਬਰਨਾਮਾ...