ਖ਼ਬਰਨਾਮਾ: ਵਿਆਜ ਦਰਾਂ 'ਤੇ ਜੰਗ ਦਾ ਅਸਰ, ਰਿਜ਼ਰਵ ਬੈਂਕ ਆਫ ਆਸਟ੍ਰੇਲੀਆ ਨੇ ਕੀਤਾ ਦਰਾਂ ਵਿੱਚ ਵਾਧਾ

17 ਮਾਰਚ ਨੂੰ ਹੋਈ ਬੈਠਕ ਵਿੱਚ ਆਰਬੀਏ ਨੇ ਨਕਦ ਵਿਆਜ ਦਰ ਵਿੱਚ 0.25 ਫੀਸਦੀ ਵਾਧਾ ਕਰਕੇ ਇਸਨੂੰ 4.10 ਫੀਸਦ ਕਰ ਦਿੱਤਾ ਹੈ। ਇਹ ਫੈਸਲਾ ਬਹੁਮਤ ਨਾਲ ਲਿਆ ਗਿਆ, ਜਿੱਥੇ ਪੰਜ ਮੈਂਬਰਾਂ ਨੇ ਵਾਧੇ ਦਾ ਸਮਰਥਨ ਕੀਤਾ, ਜਦਕਿ ਚਾਰ ਮੈਂਬਰਾਂ ਨੇ ਦਰ ਨੂੰ ਜਿਵੇਂ ਦਾ ਤਿਵੇਂ ਰੱਖਣ ਦੀ ਪੱਖਦਾਰੀ ਕੀਤੀ। ਬੈਂਕ ਨੇ ਚੇਤਾਵਨੀ ਦਿੱਤੀ ਹੈ ਕਿ ਅਮਰੀਕਾ-ਇਜ਼ਰਾਈਲ ਅਤੇ ਈਰਾਨ ਵਿਚਾਲੇ ਚੱਲ ਰਹੇ ਸੰਘਰਸ਼ ਕਾਰਨ ਤੇਲ ਦੀਆਂ ਕੀਮਤਾਂ ਵਿੱਚ ਵਾਧਾ ਹੋ ਸਕਦਾ ਹੈ, ਜਿਸ ਨਾਲ ਮਹਿੰਗਾਈ 4 ਫੀਸਦ ਤੋਂ ਉੱਪਰ ਜਾਣ ਦਾ ਖਤਰਾ ਹੈ ਅਤੇ ਆਸਟ੍ਰੇਲੀਆ ਵਿੱਚ ਜੀਵਨ ਲਾਗਤ ‘ਤੇ ਹੋਰ ਦਬਾਅ ਪੈ ਸਕਦਾ ਹੈ। ਇਹ ਅਤੇ ਹੋਰ ਅਹਿਮ ਖਬਰਾਂ ਲਈ ਸੁਣੋ ਅੱਜ ਦਾ ਖ਼ਬਰਨਾਮਾ