Kòman Selena yon fanatik Real Madrid ak Cristiano Ronaldo vin tounen yon kreyatè kontni a 1M abòne ?

Nan entèvyou sa a, Carel Pedre resevwa Selena Cambry, jèn kreyatè kontni ki revolisyone fason yo pale de foutbòl sou rezo sosyal yo an Ayiti. Avèk plis pase 1 milyon abòne sou TikTok, Selena rakonte nou pakou li, soti nan pasyon li pou Real Madrid ak Cristiano Ronaldo rive nan siksè li jodi a kòm youn nan vwa fi ki pi enfliyan nan domèn espò a nan kominote a.Selena pataje avèk nou kòman li te kòmanse kreye kontni apre peryòd COVID la, eksperyans li lè li te fèk rive Ozetazini, ak kòman li jere kritik pandan l ap rete fidèl ak tèt li. Nou pale tou de analiz li sou sitiyasyon Real Madrid, Mbappé, ak espwa li pou seleksyon nasyonal Ayiti a nan pwochen konpetisyon yo.