KOPSKUIF - Die Leeskrisis in Suid-Afrika: Reinette Lombard oor Begrip Lees, die Tippie-leesreeks en Geletterdheid

Reinette Lombard, medeskrywer van die uiters suksesvolle Tippie-leesreeks, gesels oor die groeiende leeskrisis in Suid-Afrika waarin talle kinders sukkel om met begrip te lees. Sy deel hoe sy en haar ma, José Palmer, die reeks van stapel gestuur het nadat hulle die dringende behoefte aan beter leesvaardighede raakgesien het. In hierdie insiggewende gesprek hoor jy meer oor die ATKV-EkKanLees-projek, die ontwikkeling van sterk geletterdheidsvaardighede, en praktiese hulpmiddels wat ouers en onderwysers kan gebruik om ’n ondersteunende, verrykende en interessante lees- en leeromgewing vir kinders te skep.