KTN Herriartekoa 2016

Aloña Mendiko pilota saila azken hamarkadetako momenturik onenean da. Inoiz baino pilotari gehiago ari dira astero klubeko koloreak defendatzen eta hori gutxi balitz, lortzen ari diren emaitzak ere, aipagarriak izaten ari dira. Herrien Arteko txapelketan esaterako, final hamaseirenak gainditzea sekulakoa izan bazen, konturatu orduko, final zortzirenak ere gainditu ditu Oñatik. 2-1 menderatu zuten berriz ere Tolosa ostiralean eta dagoeneko, final laurdenetan dira txantxikuarrak. Taldeko hainbat ordezkari Oñati Irratitik pasa dira.