Landas ng Pag-Asa: "Si Hesus ang Ating Taga-Lunas at Taga-Linis"

BIYERNES, ENERO 10, 2025 Biyernes Kasunod ng Pagpapakita ng Panginoon MABUTING BALITA: LUCAS 5:12-16 Minsan ay nasa isang bayan si Jesus nang dumating ang isang lalaking punung-puno ng ketong. Pagkakita nito kay Jesus, patirapa itong nakiusap sa kanya, “Panginoon, kung nais po ninyo, ako ay mapagagaling ninyo.” Iniunat ni Jesus ang kanyang kamay, hinawakan ang lalaki at sinabi, “Nais ko, gumaling ka!” At agad nawala ang ketong ng lalaki. Pinagbilinan ni Jesus ang lalaki, “Huwag mo itong ipagsasabi kaninuman. Humayo ka at ipasuri mo ang iyong sarili sa pari, at mag-alay ng ayon sa iniutos ni Moises tungkol sa iyong pagkalinis bilang patotoo sa kanila.” Ngunit lalong kumalat ang balita tungkol kay Jesus at pinagkaguluhan siya ng napakaraming tao upang makinig at magpagamot ng kanilang mga karamdaman. Ngunit siya ay umiwas patungong ilang at nanalangin. Reflection by Glen Glorioso: Licensed Financial Adviser. Youth worker, Ligaya ng Panginoon Community. Preacher.