Látið ekki bregðast að gleðja litlu Barnahælisbörnin

Reykvíkingar dagsins í dag ljá Reykvíkingum frá árinu 1918 rödd sína og lesa valda texta frá því ári. Í þessum þætti les Ásdís Gunnarsdóttir, 10 ára nemandi í Varmárskóla, úr grein sem birtist í Morgunblaðinu 19. nóvember 1918. Greinin fjallar um Barnahælið sem var sett upp í Spænsku veikinni í Barnaskóla Reykjavíkur en samkvæmt fréttinni voru börnin þar sextán talsins, níu drengir og sjö stúlkur, það yngsta þriggja daga gamalt en það elsta níu ára. Samkvæmt fréttum náðu vel flest barnanna sem dvöldu á Barnahælinu aftur heilsu. Enginn er skrifaður fyrir greininni en Vilhjálmur Finsen var ritstjóri Morgunblaðsins á þessum tíma. R1918 er samstarfsverkefni Listahátíðar í Reykjavík, Landsbókasafnsins og RÚV. Textavinna: Landsbókasafn Íslands-Háskólabókasafn og Bjarni Jónsson. Tónlist: Úlfur Eldjárn. Samsetning: Þorgerður E. Sigurðardóttir.