Laura Castro, primeira catedrática na área do naval en Galicia, referente internacional en enerxías renovables mariñas

A investigadora Laura Castro Santos vén de ser nomeada catedrática na área de Construcións Navais na Universidade da Coruña, converténdose na primeira muller en acadar este recoñecemento en Galicia e na segunda en España. Coordinadora do grupo MARES no CITENI do Campus Industrial de Ferrol, destaca pola súa traxectoria en enerxías renovables mariñas, con estudos sobre eólica offshore, undimotriz e sistemas híbridos. A súa carreira inclúe estadías internacionais en Portugal e múltiples premios científicos. Ademais, foi incluída na lista do 2% do persoal investigador máis influínte do mundo elaborada por Stanford e Elsevier. Este nomeamento consolida o liderado feminino nun ámbito tradicionalmente masculinizado.