A tarde 17-10-2023

Big Meu, gañador do CeibaRimas deste ano, bótanos uns versos en directo; disfrazámonos polo Samaín co que está de moda, que vén sendo o mundo de Wednesday Addams. Ana Camiño, avogada especialista en dereito civil e de consumo, fálanos das herdanzas: como hai que dividilas, calculalas, canto se paga polo que se herda e moito máis. Con Maxi Pérez, especialista en seguridade ao volante, charlamos sobre como conducir con choiva: se chegamos algo máis tarde, non pasa nada, o importante é ir seguro na estrada.