Lichtenburg-sakegemeenskap skepties oor nasionale ingryping in Ditsobotla

Die sakegemeenskap van Lichtenburg is uiters skepties oor die regering se nasionale ingryping in die Ditsobotla- plaaslike munisipaliteit. Al is dit die eerste keer dat die munisipaliteit onder nasionale administrasie geplaas word, glo sakeondernemings en inwoners nie dat dit ’n wending vir die dorp gaan bring nie. Dié Noordwes-dorp is al meer as ’n dekade lank onder provinsiale administrasie, sê Chris Breedt, voorsitter van die Lichtenburg-sakekamer, aan OFM Sakeuur.