လက်နက်ကိုင်အဖွဲ့များကြား မပြေလည်မှုများကို ဝိုင်းဝန်းကူညီဖြေရှင်းရန် NUG တိုက်တွန်း

အမျိုးသားညီညွတ်ရေးအစိုးရ လက်အောက်ခံ ပသုံးလုံးအဖွဲ့တွေကြားက မပြေလည်မှုတွေကို သည်းခံသင့်တာသည်းခံပြီး ပြဿနာဖြေရှင်းရေးမှာ ဝိုင်းဝန်းကူညီဆောင်ရွက်ကြဖို့ အမျိုးသားညီညွတ်ရေးအစိုးရ (NUG) သမ္မတရုံး တာဝန်ရှိသူက တိုက်တွန်းလိုက်ပါတယ်။  တော်လှန်ရေးလက်နက်ကိုင်အစုအဖွဲ့တွေ အများအပြားရှိနေတဲ့ စစ်ကိုင်းတိုင်းနဲ့ မကွေးတိုင်းတို့မှာ ပသုံးလုံးပြဿနာတွေ ဆက်လက်ဖြစ်ပေါ်နေတာပါ။ အမျိုးသားညီညွတ်ရေးအစိုးရ လက်အောက်ခံ ပြည်သူ့အုပ်ချုပ်ရေးအဖွဲ့ (ပအဖ)၊ ပြည်သူ့ကာကွယ်ရေးအဖွဲ့ (ပကဖ) နဲ့ ပြည်သူ့လုံခြုံရေးအဖွဲ့ (ပလဖ) တို့အကြားမှာ လုပ်ပိုင်ခွင့်အာဏာ ရောထွေးနေတာကြောင့် ပြဿနာတွေ ဖြစ်ပေါ်နေတာလို့ လေ့လာသူတွေက ပြောပါတယ်။ https://burmese.dvb.no/post/671731