الكليبرز استغنوا عن كريس بول | المنافسين حسب التاريخ بعد ٢٠ مباراة

الكليبرز داخلين بأسوأ أسبوع لهم… مو بس لأنهم خسروا ضد غريزليس ومافريكس، ولا لأن تاي لو شَحَط الخمسة الأساسيين بعد دقيقة من الشوط الثالث—لا، الأسوأ إنهم رجّعوا كريس بول على البيت. أسبوع واحد بس بعد ما أعلن اعتزاله، والفرنشايز غوّت تبعهم ودّعوه بهالطريقة. نفس الفريق اللي قبل سنوات عمل بريزنتيشن أسطوري لبلِيك غريفن وبالأخير باعوه… اليوم بيكررها مع CP. حركة غريبة، بشعة، وبتخلي كل حدا يسأل: شو بصير داخل هالنادي؟كوبر فلاق كاسر الدنيا. أصغر لاعب بتاريخ الـNBA بسجل 35 نقطة، وكاسر رقم ليبرون بخمس أيام. آخر 10 مباريات: 19.5 نقطة، 6.5 ريباوند، 3.9 أسيست… ودفاعه جاهز، قراءته جاهزة، وكل إشي معه عم بشبرق بسرعة مرعبة.يانيس… حساباته مش ضابطة. بحكي بدّه يلحق رقم ليبرون بخمس سنين، مع إنه ليبرون فوق 42 ألف نقطة. ليكها: ليلحقه لازم يسجّل 50 نقطة بالمباراة ويلعب 82 مباراة ويكون ليبرون موقف تسجيل. وبنفس الوقت ماسح كل صور الباكس. مش أسبوعه أبدًا.شاي جيلجيس-ألكساندر عايش أفضل نسخة من نفسه. أسبوع جديد وهو مبين إنه مش بس لاعب MVP… هذا مستوى تاريخي. مدّد سلسلة الـ20 نقطة تبعته ليوصل فوق الـ90 مباراة متتالية، وتجاوز أسماء زي جوردن ودورانت، وصار قريب يقرب على رقم ويلت الأسطوري. إذا ظل ماشي هيك وما غاب، ممكن يحطم الرقم قبل الأول-ستار. بكل بساطة: شاي عم يعيد كتابة السجلّات.أخذنا سجل كل بطل NBA بعد 20 مباراة عبر التاريخ، وحطّينا خط واضح: أي فريق أسوأ من 10–10 رسميًا برّه سباق اللقب. اليوم أعلنّا أول دفعة إقصاء… و13 فريق طاروا. هالسنة الغرب متضرر أكثر من الشرق، والعكس عن الموسم الماضي.الرابتورز ماشيين بثبات وعم يثبتوا إنهم فريق قوي فعلًا، واحد من قلّة مصنّفين ضمن أفضل الهجوم والدفاع. والثندر مكملين بداية تاريخية… واحد من أقوى الانطلاقات اللي شفناها بالدوري، وبمستوى فرق وصلت نهائيات وربحت بطولات.(00:00) هلاااااا(01:52) سوق الكريبتو: عملات نازلة(13:09) سوق الكريبتو: عملات طالعة(25:17) وحش الأسبوع(34:05) المنافسين حسب التاريخ: بعد ٢٠ مباراة(41:24) آخر كلمة(44:00) اسأل اوجي Patreon للمزيد من المحتوى الحصري انضمّوا لاشتراك القناة على https://www.patreon.com/m2m_pod:للاشتراك في القناة https://bit.ly/485cE7jلمتابعتنا على تويتر:https://twitter.com/m2m_podانستغرام:https://bit.ly/3TjmMFuتيك توك: https://bit.ly/4aOHwet:للاشتراك في القناة https://bit.ly/485cE7j Hosted by Simplecast, an AdsWizz company. See pcm.adswizz.com for information about our collection and use of personal data for advertising.