الرعونة

ليه بنأخد قرارات نندم عليها بعدها بدقائق؟ (قيد الرعونة وسماء الرسوخ) "مشكلتنا مش إننا بنسأل… مشكلتنا إننا ساعات بنسأل من غير ميزان، فيتحول السؤال من بوصلة للهداية إلى قيد أسر...". في الحلقة دي من برنامج أسير: * بنخرج من أسر سؤال: "ليه بنأخد قرارات بنندم عليها بعدها بدقائق؟ وليه حياتنا عاملة زي الريشة في مهب الريح، أي كلمة بتطيرنا وأي انفعال بيكسرنا؟"، ونشرح "زنزانة الرعونة"؛ الخفة النفسية اللي بتجعلنا أسرى للمزاجية والعشوائية. بنفكك أسباب "إدمان الضجيج والدراما" والبحث المرضي عن الإثارة، وغياب المرجعية الحقيقية اللي حولت الإنسان من باحث عن الحقيقة إلى مستهلك لعواطفه ومنقاد للتريند. * ميزان النور: بنصل لختام رحلة المعراج وبناء الإنسان في "السماء السابعة"، حيث لقاء سيدنا إبراهيم عليه السلام اللي بيدينا مفتاح الخروج من أزمة الرعونة. * التحول: إزاي نغير السؤال من (ليه حياتنا عاملة زي الريشة في مهب الريح؟) إلى سؤال السير (اللي هنعرفه في الحلقة). في البرنامج مش بنقدّم إجابات جاهزة، لكن بنكشف سوا عن منهج يحرّر أسئلتنا.. ويحوّلنا من ظلمة الأسر.. إلى نور السير. د. #عمرو_الورداني #كيف_أسير #العقيدة #أسير #من_الأسر_إلى_السير