मान्सून जगावा, जाणावा... मान्सून केरळी अनुभवावा!

`मान्सूनच्या स्वागताला, चला केरळाला` असा एक आगळा उपक्रम पुण्यातील `भवताल मंच`ने  हाती घेतला आहे. पर्यटनातील रंजनाबरोबरच त्यातून निसर्गाच्या, पर्यावरणाच्या आणि स्थानिक लोकजीवनाच्या आणखी जवळ जात आपण समृद्ध होऊ शकतो, अशा विचारांतून प्रसिद्ध पर्यावरण अभ्यासक, पत्रकार अभिजित घोरपडे यांनी `भवताल`च्या माध्यमातून अशा विविध संकल्पना राबवण्याचा संकल्प सोडला आहे. मान्सून अनुभवणं म्हणजे नेमकं काय याची उलगड करतानाच निसर्ग आणि पर्यावरणाकडे पाहण्याची एक वेगळी दृष्टी आणि आकलन देणाऱ्या अभिजित घोरपडे यांचा संतोष देशपांडे यांसमवेत रंगलेल्या या गप्पा ऐकताना तुम्हीही नकळत मान्सून अनुभवाल, निसर्गाच्या कुशीत शिराल... असा हा पॉडकास्ट जरुर ऐका आणि इतरांनाही आवर्जून ऐकवा!