Mabuting Balita l Pebrero 12, 2024 – Lunes l Ikaanim na Linggo ng Karaniwang Panahon

Mabuting Balita l Pebrero 12, 2024 – Lunes sa Ikaanim na Linggo ng Karaniwang Panahon     San Melecio ng Antioquia Ebanghelyo: Mk 8:11-13 Dumating ang mga Pariseo at nagsimulang makipagtalo kay Hesus. Gusto nilang subukan si Hesus at humingi ng isang makalangit na tanda. Nagbuntung-hininga siya at sinabi: “Bakit humihingi ng palatandaan ang lahing ito? Talagang sinasabi ko sa inyo: walang tandang ibibigay sa lahing ito.” Kaya iniwan sila ni Hesus at sumakay sa bangka patawid sa kabilang ibayo.   Pagninilay: Napabuntung-hininga nang malalim ang ating Hesus Maestro. Sa English version, mas makahulugan ang sipi. Ang sabi: Jesus “sighed from the depth of His spirit.” Hindi ito ordinaryong buntung-hininga. Mas malalim pa ito sa emosyon. Mula ito sa kaibuturan ng Kanyang Espiritu. May feeling of hurt and suffering dahil hindi makaunawa ang mga Pariseo. Naramdaman Niya ito sa Kanyang kaloob-looban dahil nagmamahal Siya. Mahal Niya ang mga Pariseo, pero patuloy ang pagtakwil at pagtanggi sa nila Kanya. Hindi napopoot ang ating Hesus Maestro sa kanila, kundi puno Siya ng awa. Sa sipi ng Mabuting Balita ngayon, tahimik Siyang umalis.  Sa ibang mga Gospels, layunin Niyang i-convert sila dahil mahal Niya sila. Madalas na sinusubukan ng ating Panginoon na gimbalin sila sa kanilang indifference at pagtanggi sa dulot Niyang biyaya. Pero hindi rin sila magbago. Sa makalawa, February 14, Ash Wednesday, simula ng Kuwaresma at   Valentines day pa. Noong bata ako, basta Araw ng puso, kinikilig ako at pulang damit ang suot ko. Pero habang nag-aadvance na ako sa age, iba na ang level ng pagmamahal ko. Kaya ko nang magparaya, masaktan, magsakripisyo para sa minamahal ko. Ito ang kahulugan ng Kuwaresma. Ito ang panahon ng Celebration of the greatest love of all. Bilang kapalit, tularan din natin ang pagmamahal ng ating Hesus Maestro na handang i-alay ang sarili para sa kapwa. Kung sakaling natutulad tayo sa mga Pariseo, na madalas hindi ma-gets ang message of love ng ating Hesus Maestro, humingi tayo ng tawad. In case, nahihiya tayong magbalik-loob, titigan natin ang Krusipiho. Paalala ito ng tapang ng loob na harapin ang hamon ng kababaan at pagbabagong-loob. Reminder din na humugot tayo ng hininga ng buhay na nagbubukal sa ating Hesus Maestro na may katangi-tangi, pinakadakila at pinakadalisay na pagmamahal para sa iyo at sa akin.