Mafube-sakeforum sit stryd voort vir plaaslike ekonomie

Die Mafube-sakeforum (MBF) bly daartoe verbind om plaaslike besighede en nywerhede stap vir stap te ondersteun. Die MBF is reeds jare aan die voorpunt van pogings om besighede in die Mafube Plaaslike Munisipaliteit — wat die dorpe Tweeling en Frankfort insluit — teen die gevolge van finansiële wanbestuur en swak dienslewering te beskerm.Die voorsitter van die forum, Jannie Schabort, sê die munisipaliteit verkeer in 'n toestand van finansiële nood, maar die forum bly vasberade in sy missie om die belange van georganiseerde sake in die streek te verteenwoordig en te verdedig.