Martiño de Dumio, o reino suevo e a cultura galega 03 - Gallaecia Fulguet no reino suevo - Eduardo López Pereira

Palestra do catedrático en filoloxía latina Xosé Eduardo López Pereira, sobre o esplendor cultural no reino suevo da Galiza. Xosé Eduardo López Pereira especializouse na cultura da Gallaecia romana e no Reino Suevo da Galiza, así como en persoeiros como Prisciliano, Exeria, Paulo Orosio, Hidacio ou Martiño de Dume. Dirixiu entre 1994 e 2019 o equipo de investigación Corpus documentale latinum Gallaeciae, ligado ao Centro de Investigación Ramón Piñeiro, que recolle e analiza tódolos documentos galegos dende o ano 850 a 1250. Esta é a terceira palestra, dentro da xornada organizada polo Consello da Cultura Galega o pasado 11-04-2023, a propósito da presentación da traducción ao galego do libro de Martiño de Dume "Como levar unha vida honesta" (orixinalmente chamado "Fórmula vitae honestae"). Esta obra gozou dunha extraordinaria difusión pola Europa medieval, e é un breve tratado, escrito por volta do ano 570, para a educación do príncipe suevo Miro, que foi rei de Galiza até o ano 583.