МЭДЭЭ: Австралийн цахим контент бүтээгчдийн бүтээлийг Үндэсний архивт хадгална

Интернет мөнхийн байж байх зүйл гэж ярьдаг ч цахим орчинд хуваалцаж буй контентын хэмжээ асар хурдацтай нэмэгдэхийн хэрээр Үндэсний кино, дуу авианы архивын ажил улам бүр төвөгтэй болж буй аж. Тус төрийн байгууллага нь дуу авиа болон хөдөлгөөнт дүрсний бүхий л төрлийн бичлэгийг цуглуулж, хадгалан хамгаалах үүрэгтэй. Харин шинэ төсөл нь орчин үеийн цахим платформ дээр бүтээлээ туурвиж буй Австралийн контент бүтээгчдийн олон талт байдлыг харуулахын зэрэгцээ тэдний бүтээлийг ирээдүй хойч үед зориулан хадгалж хамгаалахад чиглэж байна.