មេរៀនជាសម្លេង៖ ព្រះ​យេស៊ូវ​ត្រាស់​ហៅ​លោក លេវី (Jesus Calls Levi)

ចំណងជើងមេរៀន៖ ព្រះយេស៊ូវត្រាស់ហៅលោក លេវីតើសព្វថ្ងៃនេះលោកអ្នកកំពុងតែរាប់ខ្លួនឯងថាជាមនុស្សសុចរិត ឬក៏មនុស្សទុច្ចរិតដែលត្រូវការដំណឹងល្អរបស់ព្រះយេស៊ូវ? ប្រសិនបើលោកអ្នកបានទទួលជឿលើព្រះយេស៊ូវហើយ នោះមានន័យថា លោកអ្នកជាមនុស្សសុចរិត តែប្រសិនបើលោកអ្នកមិនទាន់ទទួលជឿលើព្រះយេស៊ូវនៅឡើយទេ នោះមានន័យថា បងប្អូនជាមនុស្សទុច្ចរិត។ចំពោះបងប្អូនដែលមិនទាន់ទទួលជឿលើព្រះយេស៊ូវ នោះមានន័យថា បងប្អូននៅជាមនុស្សទុច្ចរិតនៅឡើយ ហើយបងប្អូនត្រូវការដំណឹងល្អ។សូមបើកចិត្តទទួលជឿព្រះអង្គ «ព្រោះ បើមាត់អ្នកប្រកាសថា ព្រះយេស៊ូវជាព្រះអម្ចាស់ ហើយជឿក្នុងចិត្តថា ព្រះបានប្រោសឲ្យព្រះអង្គមានព្រះជន្មរស់ពីស្លាប់ឡើងវិញ នោះអ្នកនឹងបានសង្គ្រោះ ដ្បិតយើងបានសុចរិតដោយមានចិត្តជឿ ហើយបានសង្គ្រោះដោយមាត់ប្រកាសប្រាប់» (រ៉ូម ១០:៩-១០)។ចំពោះលោកអ្នកដែលបានទទួលជឿលើព្រះយេស៊ូវ ដែលបានទទួលសេចក្ដីសុចរិតរបស់ព្រះអង្គហើយ តើសព្វថ្ងៃនេះលោកអ្នកមានទំនាក់ទំនងជាមួយនឹងមនុស្សទុច្ចរិត មនុស្សមានបាប មនុស្សដែលគេមិនចង់រាប់អាន ឬក៏ស្អប់ខ្ពើម។ល។ដែរឬទេ?សូមកត់សម្គាល់អំពីជីវិតបំផ្លាស់បំប្រែរបស់លោក លេវី ត្រង់ថា៖ បន្ទាប់ពីគាត់ទទួលបានការត្រាស់ហៅឲ្យដើរតាមព្រះយេស៊ូវ គាត់ក៏បានចេញទៅហៅអ្នកផ្សេងទៀតឲ្យមកដើរតាមព្រះអង្គដែរ។ នេះឯងគឺជាមូលហេតុដែលគាត់បានរៀបចំពិធីជប់លៀងយ៉ាងធំជាមួយនឹងអ្នកទារពន្ធ មនុស្សមានបាប និងមនុស្សជាច្រើនទៀត ដើម្បីឲ្យពួកគេអាចជួបព្រះយេស៊ូវ ហើយទទួលឮការស្ដាប់ដំណឹងល្អនៃព្រះរាជ្យនគររបស់ព្រះជាម្ចាស់ដែរ។ចូរយើងចេញទៅ ហើយប្រកាសដំណឹងល្អ ហើយប្រសិនបើចាំបាច់ សូមប្រើប្រាស់មាត់របស់យើង ដើម្បីប្រកាស ដែលនេះខ្ញុំចង់មានន័យថា ឲ្យយើងរស់នៅដោយបង្ហាញពីដំណឹងល្អជានិច្ច។ ប្រកាសមកកាន់ខ្លួនឯងជាមុន ហើយបន្ទាប់មកប្រកាសទៅអ្នកដទៃ។-----------------------------------------------------------និពន្ធដោយ៖ លោក ឈាង បូរ៉ាកែសម្រួលដោយ៖ លោក ទេព រ៉ូ, លោក ខែម បូឡុង, លោក ប៊ុន ធីម៉ូថេ និងលោកស្រី បូល រដ្ឋា------------------------------------------------------------------------------លោកអ្នកអាចអាចអានមេរៀនេះឡើងវិញបានតាមរយៈតំណខាងក្រោមនេះ៖https://plovpit.com/jesus-calls-levi/?swcfpc=1 Hosted on Acast. See acast.com/privacy for more information.