Mīti | Voi muoksla Latgolā ir tikai tradicionala? | S2E3

Bīži, dzieržūt vuordus “muoksla Latgolā”, pruotā īt tradicionaluo keramika, paaudzēs tuoļuok nūdūtys omota prasmis i etnografiskys vierteibys. Itaids prīškstots nav najaušs – tys sakņojās regiona spieceigajuos tradicejuos, kurys veiksmeigai turpynojam kūpt, saglobuot i popularizēt. Tok, voi tradicionaluo muoksla vys vēļ puorspiej laikmeteiguos izpausmis regionā? Par tū sprīdem raidīroksta "Mīti" 2. sezonys 3. serejā.Kab saprostu, kai tuos divejis muokslys dimensejis – tradicionaluo i laikmeteiguo – saplyust Latgolā, diskusejā pīsadaleja dažaidu jūmu eksperti. Māris Čačka, kurs voda Rotko muzeju Daugovpilī i aktivi dorbojās ar storptautyskim muokslys projektim, puorstuov laikmeteiguos muokslys skotu, sovpus Evija Maļkeviča-Grundele vaira tradicionalū pusi – kasdīnā ir nūvodpietneica, malnuos keramikys meistare i tradicionaluos kulturys nesieja. Diskuseju papyldynuoja ari muokslinīks nu Reigys – Jānis Dzirnieks, kurs pārnajā godā vadeja muokslys nūdaļu storptautyskā arhitekturys, muokslys i muzykys festivalā Dagdā, taipoš ari sovā profesionalajā darbeibā eistynoj laikmeteiguos muokslys izpausmis. Saruno voda Marta Puzāka.(00:00) Īvods(3:17) Osais mīts(4:46) Muoksla Latgolā eistyn ir tik tradicionala?(10:54) Latgolys muokslinīku aktivitate i izpausmis Latgolys regiona muokslinīku izstuodē “Pierobeža” Rotko muzejā(17:04) Parkū starptautyski muokslinīki brauce iz Dagdu?(24:03) Voi starptautyskī muokslinīki īnas izmainis Latgolys muokslys telpā?(29:10) Kaida ir vītejūs cylvāku reakceja iz laikmeteigū muokslu?(33:00) Kaida ir Latgolys auditoreja i voi tai vajag laiketeigū muokslu padareit saprūtamuoku?(37:20) Voi Latgola vīna teida eipaša ar folkloru, ticeibu i tradicejom?(40:46) Cik svareigi sovūs dorbūs izsvērt vītys nūzeimi?(42:44) Voi laikmeteigūs dorbus var skaiteit par latgaliskim?(45:11) Parkū bārnim juovuica tradicionalais?(49:36) Kas Latgolai juodora, kab pīsaisteitu jaunus i starptautyskus muokslinīkus?(54:25) NūbeigumsProjektu “Raidierakstu latgaliski sērija portālā lakuga.lv 2. sezona” finaņsej Medeju atbolsta fonds nu Latvejis vaļsts budžeta leidzekļu. Par raidīroksta saturu atbiļd latgalīšu kulturys ziņu portals lakuga.lv. #SIF_MAF2025