مالتي سينجل: حياة فارس مهزوم - جوني 2016

سكيزوفرينيا - جوني اغترابي فـ جلدي حالة ابتدت جوَّايا من لحظة ميلادي الخلاص منها استحالة والمصيبة إن البشر بيقولوا عادي عادي جداً تبقى واحد تاني غيرك عادي لما فـ ضحكتك يقدر يزاحمك عادي لما تشوفه بيحدِّد مصيرك عادي لما عروقُه تتسرسب فـ لحمك عادي جداً يستلف منك ملامحك وفـ مرايتك تبقى شايفُه ويبقى شايفك عادي يبدأ فـ احتلال حلمك وجرحك تيجي تنطق تلقى صوتُه بين شفايفك عادي عادي عادي عادي عادي عادي عادي عادي البشر بيقولوا عادي عادي جداً بيقولوها كان ضروري عشان يعيشوا يصدَّقوها بس أنا باصرخ وانادي ليه أسيب غيري يقاسمني فـ اللي فاضل لسَّه منِّي ليه ماقررش إني أحاربُه وإني أخلص من خيانتُه ومن مقالبُه إني اكون وحدي اللي باضحك وإني اكون وحدي اللي بأبكي ليه ماتبقاش روحي دايمًا شئ بأصدّق انه ملكي فاصل شخصي - ريم كتير وِجَّك حلو حبيبي ريت تحسّ بوجعي كتير وِجَّك حلو حبيبي انتا بوبو تبعي ما فيك تُهجُرني اليوم حبيبي تا أفرجِيك حَلَقي وأشوف وردَك طارح حبيبي بين تِيابي وعَرَقي كتير وِجَّك حلو حبيبي ريت تحسّ بوجعي وأشوف وردَك طارح حبيبي بين تِيابي وعَرَقي وبأبكي - جوني وبأبكي لو بعدتي فـ يوم عشان عايزِك تضمِّيني وبأبكي لو رجعتي فـ يوم عشان خايف تفارقيني وبين الشوق وبين الخوف دموع جوَّايا بتماطل بتسرق من عيوني الشوف أشوف كلّ الوجود باطل ولمَّا الليل فـ روحي يزوم وتعلى حيطانُه قدامي بأطاردِك فـ الدروب مهزوم وأقابلِك جوَّه أحلامي وأغنِّيلِك بصوت مهموس وكفِّك نور على جبيني ماليش غيرِك فـ ليلي شموس مافيش غيرِك بيحييني هنا فـ الحلم نتلاقى وأفارق فيكي أوهامي هنا ويَّاكي بأتشاقى هنا على كتفي بتنامي وأغنِّيلِك بصوت هامس يعود الفجر من تاني تردِّي بضحكة نتلامس تنام جوَّاكي أحزاني هنا فـ الحلم نتلاقي وأفارق فيكي أوهامي هنا ويَّاكي بأتشاقى هنا على كتفي بتنامي هنا فـ الحلم بألقاكي عشان مابكيش هنا فـ الحلم ويَّاكي حبيبتي بأعيش فاصل حربي - جوني والكورال لصوص قالوا: العسل زيفنا بلاش تعشق مرار لأه قليلها حرام يا مولانا وطن صفصف على حفنة سياط النور بتتلقى جدور جوَّايا عريانة دفنت القلب لم يفنى طرح بين الضلوع دقَّة بتحبي فـ لحمي متهانة فجأة انتشر فـ الأرض جوع فجأة الجيوش اتكتلت فجأة البشر لبسوا الدروع فجأة الوشوش اتبدلت سال القمر دم ودموع فوق الجبال اتزلزلت فجأة الغُنا أصبح نحيب فجأة الشجر أصبح رماح فجأة الغوايش فـ اللهيب صارت معادن للسلاح والحضن أصبح شيء مُريب والقتل أصبح شيء مباح كلام مجانين - جوني من قبل ما أفكر كنت بأقول وقالولي الناس هـ تموت مقتول أنا قولت سكوتي ماكنش حياة فتِّشت بصوتي فـ كل مكان لا لقيت الفرحة ولا الأحزان ولا حد أتوه فـ الضلمة معاه ملِّيت م الزحمة جريت ع البيت كسَّرت الباب قدامي لاقيت الكنكة بتبكي قالتلي ياريت تدِّيني البُن أضحك ويَّاه دا كلام مجانين مش أغنية إياك تسألني دا إيه معناه دا مافيش مضامين هنا مخفيَّة ولا مغزى مفيد ممكن تلقاه على وش القهوة حاولت أعوم لا أنا عارف أنام ولا عارف أقوم فنجاني نداني بصوت مكتوم وأتاري سيجارتي كمان سامعاه دا كلام مجانين مش أغنية والنبي ماتقولش دا إيه معناه دا مافيش مضامين هنا مخفيَّة ولا مغزى مفيد ممكن تلقاه يا سيجارة حاضنها بأنفاسي م العالم كلُّه بتاخديني آه يا نجمة وحيدة فـ ليل قاسي نيكوتينِك نوَّر شراييني أوِّل ما صارحتِك بجروحي دخانِك طبطب على روحي ولمحتْ الخوف مهزوم جوَّاه مرثية جريئة - ريم اللي كتب فرقتَك ياريت أنا ريتُه بيدي كسرت القلم والحبر كبيتُه اللي كتب فرقتَك ياريت أنا شِفتُه بيدي كسرت القلم والحبر نشِّفتُه اللي كتب فرقتَك ياريت أنا مسكتُه قبلن ما يطلب قلم أنا كنت سكِّتُه اللي كتب فرقتَك ياريتني قابلتُه قبلن ما يشهر قلم أنا كنت سلسلتُه ........................ كلمات وألحان ورؤية فنية: أنطونيوس نبيل توزيع: أحمد العسَّال محمد يسري شارك في الغناء: ريم نسيم جيتار: شريف مختار أحمد حسين مصطفى أصلان كلارينت وساكس: حموسو تشيلو: إبراهيم الموجي كولة: عبد الله حلمي عود: عمار سيد رق: محمد مجدي طبلة: أحمد عيادي كورال: أحمد عبد السلام ريم نسيم هندسة صوتية: يوحنا موريس ميشيل عبد الملك ديجيتال ماستر: ميشيل عبد الملك رسم غلاف: أنطونيوس نبيل تصميم غلاف: بيتر نبيل كلمات مرثية جريئة: مستلهمة من تراث الحبيبة فلسطين