Moet ons bekommerd wees oor 'n resessie in die VSA?

In die finansiële markte is daar bekommernis oor die moontlikheid van ‘n resessie in die VSA. Olie- en voedselpryse is hoog, en ontwrigtings van voorsieningskettings uit Sjina bly ʼn probleem. In die VSA staan verbruikersprysinflasie nou op 8,5% en dit gaan nodig wees om rentekoerse verder te verhoog. Die gevaar is dat die Federale Reserwebank dit dalk te vinnig of te skerp verhoog en dat dit die ekonomie in resessie dompel. ʼn Aanwyser van hierdie bekommernis is die verskil tussen die rentekoerse op 2-jaar en 10-jaar Tesouriewissels. Onlangs het die opbrengskromme omgekeer. Twee-jaar koerse was hoër as tien-jaar koerse, en oor die laaste sestig jaar was dit ʼn teken van resessie. Hoe bekommerd moet ons wees? * Die Ekonomie Minuut word ondersteun deur die NWU Sakeskool.