mp3."القبايل - "الطريقان

Kabyle - "Les Deux Routes".mp3 / Kabyle ​- "The Two Roads".mp3 // John 1 1 Di tazwara yella Wawal, Awal yella aked Yillu, Awal yella d Illu. 2 Si tazwara, yella aked Yillu, 3 kullec ittwaxleq yis ; deg wayen meṛṛa yettwaxelqen, ulac ayen ur d-nekki ara sɣur-s. 4 Deg-s i tella tudert ; tudert-agi tella d tafat i yemdanen. 5 Tafat tettfeǧǧiǧ di ṭṭlam, meɛna ṭṭlam ur tt-iqbil ara. 6 Yella yiwen wergaz ittwaceggeɛ-d sɣur Yillu, argaz-agi isem-is Yeḥya ; 7 yusa-d ad yili d anagi n tafat iwakken imdanen meṛṛa ad amnen s cchada-ines. 8 Mačči d netta i d tafat, netta yusa-d d anagi n tafat. 9 Tafat-agi d tafat n tidett, tusa-d ɣer ddunit iwakken ad tecṛeq ɣef yal amdan. 10 Tella di ddunit, ddunit yis i tettwaxleq yerna ddunit ur tt-teɛqil ara. 11 Tusa-d ɣer wayla-s lameɛna ayla-s ur tt-qbilen ara. 12 Ma d wid i tt-iqeblen yumnen yis, widak tɛuzz-iten, uɣalen d arraw n Yillu, 13 mačči s tlalit n wemdan i d-lulen, mačči s lebɣi n tnefsit neɣ s lebɣi n wemdan, lameɛna s Yillu. 14 Awal yuɣal d amdan, iɛac gar-aneɣ, iččuṛ d tidett aked ṛṛeḥma. Nwala tamanegt-is, d tamanegt i d-ittunefken sɣur Baba Ṛebbi i Mmi-s awḥid. 15 Yeḥya iched-d fell-as zdat lɣaci yeqqar: D netta ɣef i wen-d-nniɣ: Win ara d-yasen deffir-iw izwar-iyi-d axaṭer illa uqbel ad iliɣ. 16 Isseṛwa-yaɣ s lxiṛat-is, lbaṛaka ɣef tayeḍ. 17 Ṭawrat tusa-d s ufus n Musa, ma d ṛṛeḥma d tidett usant-d s Ɛisa Lmasiḥ 18 Yiwen ur iẓri Illu ; d Amemmit awḥid yellan di Baba Ṛebbi, i ɣ-t-id-isbeggnen