MSF e a República Centroafricana, e o profesor Carlos Fernández hoxe, no Sombreiro.

A República Centroafricana centrará a conversa telefónica que manteremos hoxe en O Sombreiro de Merlín , a partires das 12.00 en Radio Obradoiro, con Ruth Conde, enfermeira de Médicos Sin Fronteras, recén chegada deste país, ao que volverá nun breve tempo. Con ela, de primeira man, coñeceremos a realidade cotidiá que viven MSF e a poboación, poñendo como marco a situación política do país, e centrándonos na violencia coas súas consecuencias, e nas enfermidades, tanto endémicas como todas as cuestións de saúde que veñen desencadeadas polos confilctos armados. Uns conflitos que convirten á República Centroafricana nun "país perdido", cunha realidade descoñecida, onde MSF realiza unha laboura á que queremos dar voz e difusión dende o Sombreiro de Merlin. Grazas a Ruth Conde e a MSF por achegarnos as realidades deste mundo que tamén é o noso. Na segunda parte do programa, acompañaranos o profesor Carlos Fernández, un dos nosos máis queridos colaboradores e convidados que leva xa dende os inicios do Sombreiro fiel ás súas citas con nós: desta volta, un libro imprescindible, "Por el gusto de leer" (Tusquets, 2014), un libro de conversas de Juan Cruz con Beatriz de Moura, fundadora de Tusquets, onde se desgrana a traxectoria vital e profesional da fundadora de Tusquets, unha editorial coa que, ao longo de todos estes anos, nutrímonos de boa literatura. Un programa de homenaxe que agradecemos de todo corazón ao profesor Carlos Fernández quen deixa sempre coa súa visita unha impronta necesaria e que constitue xa patrimonio cultural do Sombreiro. Grazas Profesor! A directora do programa, Alicia López, farase cargo da sección musical, cunha seleccin feita polo profesor Carlos Fernández: "Yesterdays" de Billie Holiday e Heitor Villa-lobos, "Preludio nº1"con Denis Azagabic á guitarra. Grazas pola escoita e de novo todo o cariño e respecto por MSF e o Profesor Fernández!