Mu bapadiri tuzakorera yubile harimo n'abajenosideri ariko nta gitangaza kirimo - Mgr Mbonyintege

Musenyeri wa Diyosezi ya Kabgayi Smaragde Mbonyintege aremeza ko mu bapadiri kiliziya gatulika izizihiriza yubile y'imyaka 25 harimo n'abapadiri babiri bahamijwe kugira uruhare muri Jenoside yakorewe Abatutsi. Mgr Mbonyintege muri iki kiganiro kirambuye yahaye Izubarirashe.rw yasobanuye ko muri kiliziya uhawe ubupadiri abugumana iteka ryose bityo ko nta cyatuma umuntu atizihirizwa yubile ngo ni uko yahamijwe ibyaha n'inkiko, kuko ngo amategeko ya kiliziya ari mpuzamahanga kandi akaba atandukanye n'aya Leta.